ﻣﺶ ﻣﻌﻨﺎﻫﺎ ﻧﺤﺐ ﻧﻌﺮﺱ ﺑﻴﻚ ، ﻧﺤﺒﻚ ﻣﺶ ﻣﻌﻨﺎﻫﺎ ﻧﺤﺒﻚ ﺗﻮﻟﻲ ﺻﺎﺣﺒﻲ ، ﻭ ﻋﻼﺵ ﺍﺣﻨﺎ ﺍﺻﻼ ﻓﻲ ﻣﺨﺎﺧﻨﺎ ﻛﻠﻤﺔ ﻧﺤﺒﻚ ﻣﺘﺘﻘﺎﻝ ﻛﺎﻥ ﻓﻲ ﺍﻟﺴﻴﺎﻕ ﻭﺍﻻ ﻓﻲ ﺍﻟﻤﻌﻨﻰ ﻫﺬﺍﻛﺎ ؟ !
" ﻧْﺤِﺒِﻚْ " ﻗﺎﻟﺗﻬﺎﻟﻲ ﺍﻣﻲ ﺑﺶ ﻧﻤﺸﻲ ﻧﻘﻀﻴﻠﻬﺎ
" ﻧﺤﺒﻚ " ﻗﻠﺘﻬﺎ ﻷﺧﺘﻲ ﺑﺶ ﺗﺠﻴﺒﻠﻲ ﻛﺎﺱ ﻣﺎﺀ ﻭﻟﺨﻮﻳﺎ ﺑﺎﺵ ﻳﻌﻄﻴﻨﻲ ﺍﻟﻜﻮﻣﻮﻧﺪ
ﻧﻘﻠﻚ " ﻧْﺤِﺒِﻚْ " ﺧﺎﻃﺮ ﺗﻔﻜﻴﺮﻧﺎ ﻛﻴﻒ ﻛﻴﻒ، ﺫﻭﻗﻨﺎ ﺍﻟﻤﻮﺳﻴﻘﻲ ﻭﺍﺣﺪ، ﻧﺤﺒﻚ ﺧﺎﻃﺮ ﺷﺮﻳﺘﻠﻲ ﺷﻜﻼﻃﺔ ﻭﺍﻻ ﺗﻔﻜﺮﺕ ﻋﻴﺪ ﻣﻴﻼﺩﻱ ..
" ﻧْﺤِﺒِﻚْ " ﺧﺎﻃﺮﻙ ﻣﺨﻚ ﻧﻈﻴﻒ
" ﻧﺤﺒﻚ " ﺧﺎﻃﺮﻙ ﺳﻠﻤﺖ ﻭ ﺻﺒﺤﺖ ﻭ ﻣﺴﻴﺖ ﻋﻠﻴﺎ
" ﻧﺤﺒﻚ " ﺧﺎﻃﺮﻙ ﺩﻳﻤﺎ ﺗﺴﺄﻝ ﻋﻠﻴﺎ ﻭ ﺗﺘﻔﻜﺮﻧﻲ
" ﻧﺤﺒﻚ " ﺧﺎﻃﺮﻙ ﺣﻘﺎﻧﻲ ، ﺗﻜﺮﻩ ﺍﻟﻈﻠﻢ ﻭ ﺗﺮﻣﻲ ﺭﻭﺣﻚ ﻭﻗﺖ ﺍﻟﺤﺎﺟﺔ
ﻧﺤﺒﻚ ﺧﺎﻃﺮ ﻫﺪﻳﺘﻠﻲ ﻛﺘﺎﺏ ،ﻧﺤﺒﻚ ﺧﺎﻃﺮ ﺗﻘﺮﻯ ، ﺗﻜﺘﺐ، ﺗﻐﻨﻲ، ﺗﻌﺰﻑ، ﺗﺸﻄﺢ ، ﺗﺮﺳﻢ ... ﻧﺤﺒﻚ
ﻗﺘَﻠِﻚ " ﻧْﺤِﺒِﻚْ ." ﺧﺎﻃﺮ ﺗﻀﺤﻚ ﻓﻲ ﻭﺟﻬﻲ
ﻗﺘﻠﻚ " ﻧْﺤِﺒﻚ " ﺧﺎﻃﺮﻧﻲ ﻧﻌﺰﻙ ﻭ ﻧﻘﺪﺭﻙ ..
" ﻧﺤﺒﻚ " ﻣﺶ ﻳﻌﻨﻲ ﻧﺤﺐ ﻋﻠﻴﻚ
ﺑﺎﻟﻌﻜﺲ " ﻧﺤﺒﻚ " ﻫﻲ ﻛﻠﻤﺔ ﻳﺎﺳﺮ ﻣﻔﻴﻨﻬﺎ ﻭ ﻣﺤﻼﻫﺎ .. ﺗﺨﺮﺝ ﻣﺎﻟﻘﻠﺐ ﻟﻠﻘﻠﺐ ﻣﻐﻴﺮ ﻛﺬﺏ ﻭ ﻧﻔﺎﻕ .. ﻛﻠﻤﺔ ﻣﻘﺪﺳﺔ .. ﺩﻧﺴﻮﻫﺎ ﻭﺭﺑﻄﻮﻫﺎ ﻓﻲ ﻋﻼﻗﺔ ﻭﺍﺣﺪﺓ ﺑﻴﻦ المرأة ﻭ ﺍﻟﺮاﺟﻝ
0 Commentaires